qahira ( monitoring disk ) aap naay kayi shadi shuda joron ko allag hotay dekha ho ga aur un ki Talaq ki wajohaat bhi jantay hon ge lekin aap naay aaj taq koi aisa jora nahi dekha ho ga jo raat ko sonay se qabal kamray ki light band karne ke jhagrre par allag ho jaye. jee haan!misar mein aik biwi kamray ki light band karne ka jhagra adalat mein le gayi aur apne miyan se Talaq ka mutalba kar diya. khatoon sheereen naay adalat ko bataya ke ”miri shadi ko aik saal ho gaya hai, pehlay din se hi mein aur mera shohar hamesha aisi hi chhoti chhoti baton par jhagarte rehtay hain, ab mein mazeed is ke sath nahi reh sakti. “ doosri taraf muqami media ke mutabiq Munir Nami shohar nay khatoon ko Talaq dainay se inkaar kar diya, is naay adalat ko bataya ke ”shadi ke baad apni biwi ki shakhsiyat dekh kar mujhe aik jhatka sa laga, yeh bila waja sara din roti aur chikhati chalati rehti aur mujh se Talaq ka mutalba karti, mein is ke is roiye par hamesha sabr ka muzahira kiya aur usay wazeh lafzon mein bta diya ke Talaq koi khail nahi. “miya biwi ke bayanaat suneney ke baad adalat naay case ki samaat 30 July taq multawi kar di, aindah paishi par case ka faisla mutawaqqa hai .
