Trablus libya ke bain al aqwami tor par tasleem kardah Wazeer e Azam abdullah Alsani naay mustafi honay ki peshkash afratafri phelnay ke khadshay ke paish e nazar wapas le li .
wazeer e azam ke tarjuman naay apne aik bayan mein kaha hai ke abdullah Alsani naay apne ohday se mustafi honay ki peshkash wapas le li hai. unhon naay kaha ke is par amal daraamad se tanazuath mein ghiry malik ke andar afratafri mein izafah honay ka andesha tha. hukoomat roz marrah ke umoor mamool ke mutabiq ada kar rahi hai. abdullah Alsani parliment mein aa kar mumkina sawalaat ke jawab dainay ke liye tayyar hain .
wazeh rahay ke abdullah Alsani naay guzashta mangal ko aik barah e raast nshri taqreer mein mustafi honay ka elaan kya tha jis ke baad libya ke aam shehrion naay un par sawalaat ki bochhaar kar di. taham un ki taqreer ke bawajood yeh baat wazeh nahi thi ke abdullah Alsani istifa dainay ke liye amlan tayyar they ya nahi. libya ke mutlaq alanan hukmaran Muammar Gaddafi ki halakat ke baad malik bohraan ka shikaar chala aa raha hai